شعر ابو ذيات 2010

اسد الغربيه السبت نوفمبر 06, 2010 8:48 am

دمع عيني يحلو الطول هامل
شجاك الحبي يالمحبوب هامل
اذا فد يوم ازعلك كول ها مل
امل منك جذب يلعشت بيه

الكلب ون و مصايب بي شكتلك
ودمع بالعين ماظل بيش اكتلك
انا المكتول بيدك بيش اكتلك
اخاف تكول بيدك ..هاك ادية

يهل حاوي الحسن كلة والاداب
ودليلي ماوصل غيرك ولاداب
تسوة انت الهندسة كلها والاداب
وغصب عالقانون ياخذلك تحية

جريدةالحب كلبي لعيونك طبعها
والناس الطيبةمايدبدل طبعها
على خدودك بعدشفتي طبعها
وعلى خصرك ختم مختومةايدية
يالبهمك ملابــــــــــــس ..... لابستني
وثوب الحزن بيــــــدك ..... لابستنـي
زعلت لا صالحتنـــــي .... لا بستني
ولا كتلي بالجذب حقك علية
وحـك الي بده القرأن بسمه
تركني وضاعت من اشفاي بسمه
الكلب ماصاح بسمي صاح بسمه
لان هو الكلب والروح اليه
وحق الي محه العزه محه الات
شفافك عسل من ربك محلات
الك عالشارع بكلبي محلات
محل حب ومحنه وشاعريه

احس گلبي عليك اليوم لاعب
كلام الخشن بطلة وياي لاعيب
اسمحولي وگعت انه بعشگ لاعب
تركني وفضل الطوبة علية

الگلب من ساعة الحبك هلك ليش
احچي اوياك ما تحچي ها لك ليش
اقتنعو كل هلي ابحبك هلك ليش
ما قنعو ابحبك ليش اليه