ابوذيات .... زعل الاصدقاء

الاول
احس هزني عليك الشوكــ ياصاح
وما ادري زعلنا غلط ياصــــــاح
صوتك بالشدايد علي ياصـــــــاح
اجيك امحزم ابروحي الاْبيـــــــة


الثاني
الزعل بينك وبيني ابعيد خله
واحنه امن الصبا يا صاح خله
تسدلي انت واسدلك دوم خله
وحجيهم عم عليك وعم عليـــة
انتهو كلهم وظلينا سويـــــــه


الاول
ضكنا من الوفا يا صاح شهده
وعلى كلبي زمان الشوك شهده
العذل عير الهجر والندم شهده
غير جروحنة التنزف سوية

الثاني
الواشي لة حجالك لا تردلـــــــة
وعلى الماضي الفركنة لا تردلة
ابهجر حيلك وحيلي لا تردلـــــه
وخلينه نعيش ابلا اذيـــــــــــــــــه